# Estampa mindoniense (1974)

- Link: https://marcoscandiaimaxes.com/2026/04/22/estampa-mindoniense-1974/
- Published: 2026-04-22T20:00:56+02:00
- Author: Marcos Candia Cuba

**Esta nostálxica imaxe, captada polo obxectivo de “Foto Celta”**, transpórtanos
de cheo ás históricas _feiras e festas das San Lucas do ano 1974_. A escena sitúase
nas proximidades do Santo Cristo, xusto na confluencia das rúas Bispo Sarmiento,
Leiras Pulpeiro e José María Pardo Montenegro, un dos recunchos máis emblemáticos
de Mondoñedo.

En primeiro termo, abrindo paso con ritmo, podemos observar aos compoñentes da **
Banda de Cornetas e Tambores da O.J.E. de Sarria**. Xusto detrás deles avanza o 
centro de todas as miradas: a **carroza coa raíña** das festas e as súas damas de
honra. _O encargado de tirar desta engalanada estrutura co seu tractor era Atilano
García Nogueira, coñecido agarimosamente como “O Serrador”, veciño da parroquia 
de San Vicente._

[[

Aquel ano, **a coroa de raíña das festas recaeu en María Jesús Ares López**, quen
estivo esplendidamente **acompañada polas súas damas de honra: Lourdes Díaz, María
Remedios “da capilla”, Celia Fernández e Amparo Díaz.**

A banda sonora daquelas San Lucas estivo chea de ritmo e bailes a cargo de catro
grandes orquestras da época: “Los Mejoranos” (do Valadouro), “Los Chicos del Jazz”(
de Pontevedra), “Los Key” (de Ferrol) e “Los Tarantos” (da Coruña). Como detalle
curioso daquel ano, celebrouse unha animada verbena na praciña de Oswaldo Codina,
espazo que hoxe todos coñecemos como a actual Praza do Concello.

A programación festiva completouse coa destacada participación da Banda de Música
do Terzo Norte de Infantaría de Mariña de Ferrol, que ofreceu unha memorable actuación
no incomparable marco do claustro do Seminario de Santa Catalina.

_Coa colaboración de Andrés García Doural_

### Compárteme:

 * [  Imprimir ](https://marcoscandiaimaxes.com/2026/04/22/estampa-mindoniense-1974/#print?share=print)
 * [  Correo electrónico ](https://marcoscandiaimaxes.com/2026/04/22/estampa-mindoniense-1974/?subject=%5BEntrada%20compartida%5D%20Estampa%20mindoniense%20%281974%29&body=https%3A%2F%2Fmarcoscandiaimaxes.com%2F2026%2F04%2F22%2Festampa-mindoniense-1974%2F&share=email)
 * [  WhatsApp ](https://marcoscandiaimaxes.com/2026/04/22/estampa-mindoniense-1974/?share=jetpack-whatsapp)
 * [  Telegram ](https://marcoscandiaimaxes.com/2026/04/22/estampa-mindoniense-1974/?share=telegram)
 * [  Threads ](https://marcoscandiaimaxes.com/2026/04/22/estampa-mindoniense-1974/?share=threads)
 * [Entrada](https://x.com/share)

### Me gusta esto:

Me gusta Cargando...