# O limpabotas de Mondoñedo

- Link: https://marcoscandiaimaxes.com/2026/04/27/o-limpabotas-de-mondonedo/
- Published: 2026-04-27T20:00:07+02:00
- Author: Marcos Candia Cuba

A figura do limpabotas pasou á historia hai xa moitos anos, quedando na nosa memoria
colectiva como a estampa dunha época que xa non volverá. Eran persoas que, provistas
dun humilde tallo de madeira para sentar e un caixón sobre o cal o cliente apoiaba
o zapato ou a bota, gardaban no seu interior cepillos e betume, prostrándose aos
pés dos viandantes para gañar o pan.

[[

**O limpabotas que coñecemos en Mondoñedo a comezos dos anos setenta chamábase José**.
Daquela, era residente no Hospital de San Paulo e exerceu esta modesta profesión
durante varios anos na nosa vila. O seu recuncho habitual de traballo atopábase 
na fachada do Café-Bar Central e no comezo da praciña de Oswaldo Codina (o que hoxe
coñecemos como a Praza do Concello).

Por desgraza, a realidade da rúa era dura e o negocio non daba para moito; os parcos
ingresos que obtiña co seu labor apenas lle resultaban suficientes para malvivir.
O tempo de José nas rúas de Mondoñedo rematou cando nos deixou ao ser trasladado
como residente a outro establecemento benéfico na cidade de Lugo.

A imaxe que hoxe rescatamos achéganos a súa mirada e o seu recordo, o testemuño 
imborrable dun daqueles oficios humildes que formaron parte da paisaxe humana, cotiá
e inesquecible das nosas rúas.

_Coa colaboración de Andrés García Doural_

### Compárteme:

 * [  Imprimir ](https://marcoscandiaimaxes.com/2026/04/27/o-limpabotas-de-mondonedo/#print?share=print)
 * [  Correo electrónico ](https://marcoscandiaimaxes.com/2026/04/27/o-limpabotas-de-mondonedo/?subject=%5BEntrada%20compartida%5D%20O%20limpabotas%20de%20Mondo%C3%B1edo&body=https%3A%2F%2Fmarcoscandiaimaxes.com%2F2026%2F04%2F27%2Fo-limpabotas-de-mondonedo%2F&share=email)
 * [  WhatsApp ](https://marcoscandiaimaxes.com/2026/04/27/o-limpabotas-de-mondonedo/?share=jetpack-whatsapp)
 * [  Telegram ](https://marcoscandiaimaxes.com/2026/04/27/o-limpabotas-de-mondonedo/?share=telegram)
 * [  Threads ](https://marcoscandiaimaxes.com/2026/04/27/o-limpabotas-de-mondonedo/?share=threads)
 * [Entrada](https://x.com/share)

### Me gusta esto:

Me gusta Cargando...