A finais dos anos sesenta xurde en Mondoñedo o grupo musical «The Wanderers«; mesma época na que o afamado grupo inglés «The Beatles» mantiña un amplo éxito mundial e todo o que sonaba a inglés parecía mellor. Máis tarde o grupo mindoniense cambiaria o seu nome por «Agrupación 101«.

Formaban parte desta xoven agrupación Jesús Sordo (vocalista), Fernando Díaz «do Redondelo» (saxofón), Manuel Caseiro (guitarra) e Manuel Pérez Bravo «do Cabo Varillas» (batería).

Os ensaios do grupo eran levados a cabo na pranta baixa da vivenda dos pais do vocalista do grupo, sinalada co número nove da rúa Cándido Martínez (hoxe Lence Santar). Nalgunhas ocasións ensaiaban no local da Banda Municipal de música na rúa Pardo de Cela.

A batería do grupo, como eran tempos de escasez para a gran maioría de mindonienses, foilles prestada por Rafael Legide, que fora antigo batería da famosa orquestra de Mondoñedo «Melodías del Jazz«.

De estes inquietos xovens, coñecemos a súa actuación nas festas de San Ramón de Masma, durante o tempo que durou o descanso da orquestra «Los Valles» de Ferreira do Valadouro.
A traxectoria da formación, sería máis ben curta, xa que a comezos dos setenta desapareceu. Uns compoñentes emigraron durante un tempo a Inglaterra, outro a Coruña e o último marchou coa sua familia, ao ser destinado o seu pai como mando da Garda Civil a outra ocalidade.

© Andrés_Garcia_Doural
© Marcos_Candia_Cuba