Aproveitando a celebración das Feiras e Festas de San Lucas do ano 1972, levouse a cabo a inauguración do novo campo de fútbol de “Viñas da Veiga”. Terreo de xogo dotado dun bo céspede, de medidas reguladas, vestiarios e cantina.

Para a ocasión contouse coa presenza do Club Deportivo Lugo. O colexiado do encontro foi o ovetense Pedreira Pérez, natural de Mondoñedo.

Formou o CD Lugo con: Dosi, Fariñas, Emilio, Miguel, Falín, Pepito, Nacho, Martín, Baldo, Kubala e Domínguez.

Por parte local: Miguel “Guerra”, Espina, Tito, Piñeiro, Chencho, Lalo, Rispa, Bouso, Meilán II, Magín e Jorge (de Rinlo).

Gañou o cadro visitante por 1-4. Os tantos do Lugo foron obra de Baldo nas catro ocasións, o gol local foi para Meilán II.

O presidente da Comisión de San Lucas, Roberto Michelena, fixo entrega do “I Trofeo San Lucas” ao capitán do CD Lugo, quen tivo o detalle de entregar o mesmo ao capitán mindoniense.

© Andrés_García_Doural
© Marcos_Candia_Cuba