Viaxamos ata o 21 de abril de 1974, estadio de fútbol Martínez Otero, Foz.

Nesa vila e data tiña lugar un derbi o que enfrontaba ao cadro local a CD Foz, e a SD Mindoniense, que para a ocasión formaría con Cabanas, Magín, Higinio, Lalo, Nano, Paz (trocado por Cayetano), Seo, Bouso, Piñeiro, Ayala (trocado por Pedro Rubal) e Rispa.

Foi un partido de intenso dominio do cadro local. No primeiro tempo o colexiado sinalou pena máxima para o Foz, pero Veiga, o seu dianteiro, marrou o tiro. O domino local proseguía, pero o esférico non entraba na meta mindoniense. Foi así, que co paso dos minutos, un solitario tanto dun xove rapaz, Cayetano, que poucos minutos antes saltara ao campo, e tras unha veloz carreira por medio da defensa local, soltou un forte disparo que entrou por toda a cruceta! Xogábanse os últimos minutos do choque, e moitos espectadores xa abandonaran as gradas do estadio focego. Os xogadores visitantes, celebraron unha vitoria que case non crían tralo desenrolo do choque.

Coa colaboración especial de Andrés García Doural