Xa sabemos que sempre houbo persoas que se especializaron en certas fazañas curiosas, vendidas como espectáculos e que a falta de maiores distraccións eran ben recibidas polos nosos antepasados. Unha desas habilidades era a de escalar torres ou edificios emblemáticos que dispoñían de certa altura, sen seguridade engadida, e cunha gran habilidade; estas actividades causaban unha gran admiración no público.

Remontámonos así a 1964, co permiso das autoridades civís e eclesiásticas, o escalatorres, coñecido como «El Águila de Oviedo» chegaba a Mondoñedo, para ascender ao máis alto da torre das campás da nosa Catedral, valéndose do auxilio do pararraios e baixando tamén polo mesmo. Numeroso foi o público que se agrupou na Praza da Catedral, Cantón Grande e Pequeno e nalgunhas das rúas colindantes a praza para presenciar o espectáculo. O artista foi ovacionado pola multitude, que presenciou chea de admiración o tremendo espectáculo. Esta foi a última vez que un destes «home araña» ascendia as torres da Catedral deste xeito.

Coa colaboración de Andrés García Doural