Como cada ano, a vila de Burela celebra as súas coñecidas festas do Carmen, e con motivo das mesmas a confección das alfombras florais que adornan as rúas dende a igrexa parroquial ata o porto, cadrando co percorrido que fará a procesión terrestre da virxe do Carmen e San Juan, para, ao día seguinte, celebrarse a procesión marítima.

Este ano as alfombras de Burela tiveron como protagonistas as festas galegas, as que retrataron a perfección, pero sen esquecerse do pasamento do gran Xose Vizoso e por suposto tamén do tráxico accidente que rematou coa vida dunha usuaria da Fundación Eu Son da propia Burela, DEP.