Visitamos hoxe a vila mariña de A Pontenova, ben coñecida polos seus fornos, un total de cinco, que recordan o pasado mineiro destas terras. Pero non menos importante é o incrible atractivo e potencial turístico desta vila, que nos últimos tempos está a potenciar con varias rutas turísticas, unha tiroliña, unha vía ferrata…

Na imaxe de hoxe podemos ver a escultura da troita da Pontenova, convertida na máis grande do mundo, con 9 m de longo. Construída polos alumnos e profesores de soldadura e caldeiría do IES Enrique Muruais e pintada polo artista urbano, de prestixo internacional Diego As. A carón desta troita ademáis, poderemos ollar un banco de madeira cun salmón tallado no seu respaldo, obra do escultor con motoserra Eugenio Linares.