Mote polo que era coñecido en Mondoñedo o Café – Bar, sito ao carón do trazado da antiga N634, na eficicación sinalada co número 11 da actual Avenida Eladio Lorenzo, e nas inmediacións da estación de servizo de Mondoñedo. Un establecemento rexentado por Gonzalo García Torres e a súa dona, de orixe alemán, Cristel Rhan. No pequeno escaparate do local podíamos ver impreso en letras brancas o texto «Man spricht deutsch» (fálase alamán).

Na imaxe podemos recoñecer ao matrimonio, que está acompañado por Josefa Torres, nai de Gonzalo.

O local gozaría durante uns anos de certa fama e de numerosa clientela, gardando así un bo número de anécdotas. Ao falecer de xeito prematuro Gonzalo, o café-bar pasou a estar rexentado por outro veciño. Logo dun curto tempo, pecharía as súa portas.

Coa colaboración de Andrés García Doural